إشاعه كثره الريفريش بشكل مستمر تساعد علي تسريع الجهاز
صدق او لا تصدق
اغلب الناس لا تعرف معني او ما هو امر Refresh
هذا الامر الذي تستخدمه في اليوم الواحد اكثر من الف مرة وانت لا تعلم ماذا يفعل, او بمعنى ادق لديك معلومة خاطئة تماما عن معزى او هدف استخدام هذا الامر.
هل فكرت قبل ذلك في سبب علمي لوجود هذا الامر؟
هل فكرت ما هو السبب العلمي لاستخدام هذا الامر البسيط جدا من قبل؟
دعنا نسأل احد المتخصصين في عالم الكمبيوتر .. الباشمهندس زقله بتاع السايبر..
هو امر Refresh بيعمل ايه؟
رد سيادته كان الاتي: الامر دا بيفرفش الجهاز !!!!
وساعات يقول: الامر دا بينعنش الجهاز!!!!
طبعا رد علمي من الدرجة الاولى ويمكن اغلب الناس صدقت من خلال التجربة العملية.
طب خلينا نسأل احد المتخصصين وهو مدير نظم معلومات بشركة كبيرى.
كانت الاجابة: ان الامر دا بيفوق الجهاز!!!!!!!!
عموما كلها ردود غريبة ومريبه ومصيبه
عايز تعرف ايه هو امر Refresh وبيعمل ايه .. يبقى لازم نرجع شوية بالتاريخ .. نرجع كدا لحد سنة 1998 ايام ويندوز98
اللي اشتغل منكم على ويندوز98 الاصدار الاول هايفتكر مشكلة كبيرة كانت بتقابلنا لما نعمل نسخ لملف من مكان لمكان اخر
المشكله انك بعد النسخ مش بتلاقي الملف ادامك, وكان الحل ايامها انك تقفل الصفحة دي وترجع تفتحها تاني عشان تشوف الملف
بتحليل بسيط جدا للعملية المرهقة دي من غلق للصفحة واعادة فتحها مرة اخرى هتلاقي ان الويندوز اثناء فتح اي صفحة بيعيد قراءة محتوياتها من جديد (ركز في دي اوي) بيعمل ايه - بيعيد قراءة محتويات الصفحة من جديد- بالتالي الملف اللي مكانش ظاهر بيظهر تاني.
مايكرو سوفت قررت تحل المشكلة دي في الاصدار الثاني من ويندوز 98 ونزلت windows 98 second edition وفيه زودت امر Refresh الى القائمة المنسدله لما تعمل كليك يمين.. عشان ماتخرجش وترجع تدخل تاني عشان تشوف التغييرات اللي انت عملتها وماشوفتهاش.
واستمر معانا ومع مايكرو سوفت هذا الامر حتى الان.
وعشان افكرك اكتر .. كنت ساعات تخرج السي دي من الجهاز وتلاقي اسمها زي ماهو على الدرايف
وحاجات كتير كان تلزم مايكرو سوفت انها تعمل الامر دا لحل مثل هذه المشكلات.
طب نخرج من الكلام دا بإيه
ان امر ريفريش Refresh شغلته لو قررنا نقولها بشكل علمي مباشر هي الاتي:
اعادة تحميل محتويات الصفحة الحالية ... فقط
نعم ؟!! يعني ايه ؟
عارف انك مش مصدق
امر ريفريش اللي بتعمله للديسك دوب معناه | قم بإعادة تحميل محتويات سطح المكتب مرة اخرى | فقط
يعني لما الياهو بيهنج وبتقعد تعمل Refresh ورا Refresh ورا Refresh انت كدا الجهاز لو نطق انت عارف كان هايقولك ايه
او لما بتفتح برنامج تقيل مثلا والجهاز بيبقى طالع عينه وهو بيفتح البرنامج ومش قادر يفتح وانت شغال
Refresh Refresh Refresh
اكيد برضه عارف الجهاز لو طق هايقولك ايه ...
واحد فصيح دلوقت سامعه بيقول انا لما بقعد اعمل Refresh كتير المره الاولى بتبقى تقيله اوي لكن بعد كدا بتبقى اخف يعني ليه تأثير
هافهمك: انت لما بتكرر اي حاجه مع الوندوز بتتعمل اسرع لانها ببساطه تم تحميلها في الرمات
يعني مثلا افتح الوورد واقفله وارجع افتحة تاني
هتلاقيه في المرة الاولى فتح بتقل او ببطء لكن المرة التانيه فتح بسرعة اكبر وهكذا .. ونفس الموضوع بينطبق على Refresh
انت بترهق الجهاز بأمر هو في غنى عنه تماما اثناء قيامة بعمليه مرهقه اصلا.
كاتب الموضوع :
فريق العمل اقوئ فريق متخصص في مجال الانترنت واهميه هي تصميم القوالب عمر ناصر يسعون لتعليم الشباب وتطوير الموقع وبنشر محتوا رائع فريق مجتهد يعمل في الموقع وينشر كل ماهوا مهم ويرد علئ كل الاسئله
ليست هناك تعليقات:
إرسال تعليق